Վաճառող-գանձապահ

Երևանում գտնվող քաղցրավենիքի խանութը փնտրում է աշխատակցի, ում առօրյա գործունեությունը ներառելու է այցելուներին դիմավորելն ու արագ սպասարկելը, տեսականու ցուցադրումն ու վաճառքը: Աշխատակիցը կատարելու է վճարումների ընդունում թղթադրամով և բանկային քարտերով, ընդունելու է պատվերներ, փաթեթավորելու է դրանք ու հանձնի գնորդներին: Բացի այդ, անհրաժեշտ է լինելու զբաղվել տեսականու դասավորությամբ ու գնապիտակների փակցմամբ, ինչպես նաև սրահում ապահովել մաքրություն, կարգուկանոն ու հետևել սանիտարահիգիենիկ չափանիշներին: Դիմորդներից ակնկալվում է պարտաճանաչություն, հուսալիություն, զգոնություն դրամական հաշվարկներում, շփվելու բարձր մշակույթ ու համագործակցության ունակություն: Համանման ոլորտում նախկինում աշխատած լինելը դիտվում է որպես առավելություն: Լեզուների իմացության մասով պահանջվում է հայերենի լավ իմացություն, իսկ ռուսերենի և անգլերենի տիրապետումը կդիտարկվի որպես ցանկալի հանգամանք: Աշխատանքն իրականացվելու է հերթափոխային գրաֆիկով՝ Մաշտոցի պողոտայում գտնվող առևտրի կետում: Առաջարկվող հաստիքը նախատեսված է այնպիսի անձանց համար, ովքեր հաճույքով են շփվում մարդկանց հետ, կարևորում են կանոնակարգվածությունը և ձգտում են ունենալ հուսալի ու հարմարավետ աշխատավայր: Դիմում ներկայացնելու համար անհրաժեշտ է ուղարկել լուսանկարով ինքնակենսագրական: