Infocom
Այս էջը Victra-ն հավաքել է այլ կայքերում գտնված հայտարարություններից։ Ընկերությունից ոչ ոք այն չի հաստատել, ուստի տվյալները դիտարկեք որպես ելակետ, ոչ թե վերջնական ճշմարտություն։
Infocom-ը ստեղծվել է 2018 թվականին՝ ելնելով Հայաստանի քաղաքացիներին հավաստի տեղեկատվությամբ ապահովելու օբյեկտիվ անհրաժեշտությունից և ստանձնել լրատվական ագրեգատորի դեր։ Այս 6 տարիների ընթացքում մենք կարողացել ենք դառնալ Հայաստանում ամենավստահելի լրատվամիջոցներից և առաջատար տվյալահեն հետաքննական և հետազոտական, ինչպես նաև գիտության լուսաբանման հարթակներից մեկը։ Infocom-ի առաքելությունն է անկախ, խորաթափանց և համապարփակ լրագրության միջոցով Հայաստանի հանրությանը կարողունակ դարձնել՝ կայացնելու հիմնավորված որոշումներ և երկրում ամրապնդել ժողովրդավարական սկզբունքները։ Մենք աշխատում ենք՝ ապահովելու, որ Հայաստանի քաղաքացիներն ու բնակիչները ունենան հիմնավորված որոշումներ կայացնելու հնարավորություն՝ լինի դա հայտնի տեղեկության կարևորության ընդգծման, թե նոր փաստերի բացահայտման միջոցով: Մեր դերն է օժանդակել մարդկանց թե՛ անձնական որոշումների, թե՛ համայնքում և երկրում ավելի մեծ՝ հասարակական նշանակություն ունեցող որոշումների կայացման հարցում: Մենք իրականացնում ենք մեր առաքելությունն անկախ կերպով՝ զերծ քաղաքական ազդեցությունից և ֆինանսական դոնորների, աջակիցների ու գործընկերների ազդեցությունից: Մեր խմբագրական աշխատանքում մենք համապարփակ կերպով լուսաբանում ենք խնդիրները՝ մեր բացահայտումները հիմնավորելով ուսումնասրություններով ու հետաքննություններով, և ամրապնդելով դրանք տվյալներով: Մենք ձգտում ենք առաջարկել ընթացիկ իրադարձությունների ավելի խորքային պատկեր՝ անտեսելով աղմուկն ու հասնելով էականին: Մենք ժամանակ ենք տրամադրում և համապարփակ կերպով ուսումնասիրում խնդիրները բոլոր հնարավոր անկյուններից։
Սա ձե՞ր ընկերությունն է։