Visual Armenia Development Foundation

Հիմնադրամի մասին

«Վիզուալ Հայաստան» զարգացման հիմնադրամի գործունեության հիմնական ուղղությունը կրթականն է․ այժմ հիմնադրամն իրականացնում է «Աշխարհացույց» նորարարական կրթական ծրագիրը brainograph.com հարթակում` հանրակրթական դպրոցներում պատմություն առարկայի նյութերի նորովի մատուցման միջոցով։

Ծրագիրը brainograph.com հարթակի միջոցով առաջարկում է մի միջավայր, որտեղ իրար են կապվում ժամանակը, տարածությունն ու իրադարձությունները․ պատմությունը կենդանանում է ու բոլորովին նորովի ներկայանում աշակերտին, ուսուցչին ու հարթակի այլ շահառուներին։ Ծրագիրն առաջարկում է նաև հարուստ պատմական բովանդակություն։

Ներկայումս հիմնադրամի գործունեության առաջնային նպատակն է շարունակաբար զարգացնել ծրագիրը՝ թե՛ հարթակում ինտեգրված առարկաների բովանդակության հարստացման, թե՛ նոր առարկաներ ավելացնելու միջոցով։